Natelling Censo2020 ta cuminsa awe

Oficina Central di Estadistica kier informa pueblo di Aruba cu entrante awe diaranson 3 di maart 2021 e Natelling di Censo 2020 lo cuminsa. Durante e lunanan di october te cu december 2020, un total di 83.713 persona a wordo conta.

Di e total aki 51.798 persona a wordo conta dor di telers cu a entrevista personanan den nan hogar y 31.915 persona cu a yena e cuestionario di Censo 2020 online of via telefon. CBS kier a uza e oportunidad aki pa gradici tur persona cu ya caba a coopera cu Censo2020.

E prome parti di e Natelling di Censo2020 ta start awe diaranzona dia 3 di maart 2021. Esaki ta encera cu CBS lo tin 75 telers riba veld cu lo bishita adresnan cu no a wordo bishita ainda. E conteo aki lo tin un duracion di 2 siman.  

CBS ta pidi e cooperacion di e persona y hogarnan cu no a participa ainda na Censo 2020 pa uza e oportunidad aki pa participa n’e Conteo General di Poblacion y Vivienda di Aruba (Censo 2020). Awor mas cu nunca ta di sumo importancia pa haya un bista completo di e desaroyonan cu a tuma lugar den nos poblacion p’asina por planifica a base di datonan real y confiabel y a base di situacionnan actual den nos comunidad. Solamente di e manera aki por planifica pa un mihor presente y futuro pa nos tur.

Pa cualkier informacion por tuma contacto cu CBS na 524-7433 durante ora di oficina y of por manda un e-mail na census2020@cbs.aw