Passions on the Beach cu “March Happiness”, lo contribui cu Stichting Kinderhuis Imeldahof

Ta for di 2013, tur aña dia 20 di maart ta celebra “International Day of Happiness”, pues dia Internacional di Felicidad. Amsterdam Manor Beach Resort tin algun aña ta observa y participa activamente na diferente campaña relaciona cu e dia aki considerando cu Aruba ta e “One Happy Island”.

E aña aki, nos restaurant, Passions on the Beach lo t’e centro di felicidad pa un bon causa: Stichting Kinderhuis Imeldahof.

Entre 1 di maart y 31 di maart, bo tin e oportunidad pa pidi e menu “March Happiness” cu ta consisti di opcion saludabel y dushi pa desayuno, almuerso y pa cena. Cada biaha cu e menu aki wordo cumpra, parti di e benta lo wordo entrega na Stichting Kinderhuis Imeldahof.

E meta di Stichting Kinderhuis Imeldahof ta pa ofrece un cas temporal y guia pa muchanan cu pa diferente motibo, no por keda na nan propio cas. Den mayoria caso e muchanan ta keda n’e fundacion te ora cu nan por haña un lugar permanente di biba sea cerca nan propio famia, of un famia cu a adopta nan.

Pa disfruta di nos “March Happiness” menu y asina contribui cu Stichting Kinderhuis Imeldahof ta rekeri pa hasi reservacion na Passions on the Beach na 527-1100, Concierge@AmsterdamManor.aw of www.OpenTable.com.