Santa Rosa awor cu servicio di coba pa planta

Awendia depsues di pandemia hopi t’esnan cu ta desea di planta y haci algo positivo na cas. Planta un mata no ta trabou cu ta bay mucho facil. Mas grandi e mata ta, mas grandi lo mester coba e buraco caminda e mata mester bay.

Awo imaginabo tambe caminda cu bo kier bay planta e mata e tereno tampoco no ta na bo bentaha. Referiendo cu kisas e suelo ta yena di piedra cu ta haci dificil pa un “Pik”of un “Barete” por coba e buraco.

Esaki sigur ta trece dificultadnan haciendo bo mannan dolor y casi sigur e lo kita tur bo gana di planta e mata. Conociendo e suelo di Aruba den mayoria caso e ta seco y duro.

Pa haci e trabou di cobamento di buraco pa planta mata mas fasil y agradabel nos Departamento di Agricultura, Cria y Pesca Santa Rosa awor ta ofrece e servicio haciendo uzo di “Backhoe”

Esaki ta un servcio recien cu nos a introduci specialmente pa nos agricultornan cu ta desea di hinca matanan den tera.

Nos conseho ta pa tuma bon nota prome cu bo dicidi pa hinca un mata den tera. Wak si berdad e mata aki no lo bay strobabo den futuro na momento cu e bira grandi. Corda semper mantene distancia for di cura y muraya di cas p’asina e mata no causa molester of daño.

Pa mas informacion tocante di e servicio aki di cobamento di buraco pa pone mata por tuma contacto cu nos oficina na tel: 585-8102. Gustosamente nos ta atendebo y consehabo kico pa haci prome cu tuma un decision final pa cobamento di buraco pa planta un mata.