Colegio San Augustin ta bishita scolnan basico.

Dialuna 22 y diamars 23 di februari ultimo algun docente di Colegio San Augustin a bishita

diferente scol basico p’asina presenta nan scol n’e alumnonan di e scolnan basico. Di e manera aki e alumnonan por a conoce Colegio San Augustin un tiki mas di cerca. Nan a ricibi informacion di kico tur Colegio San Augustin tin pa ofrece nan como alumno y tambe kico tur ta haci como actividad na Colegio San Augustin.

E alumnonan tabata contento pa scucha y wak videonan di e scol. Nan a haya un bista mas concreto di entre otro; e infrastructura, e seguridad (camara y security guard), e klasnan ekipa cu materialnan moderno (tecnologia), e lesnan practico y experiencia comparti di algun alumno cu ta forma parti di e comunidad di Colegio San Augustin.

Banda di esaki nan por a disfruta di e video unda ta mustra tur e actividadnan cu e scol ta organisa. Na final di e informacion/presentacion nan a haya e oportunidad pa haci pregunta tocante cualkier inkietud cu nan por tabatin.

Durante di e bishita n’e scolnan basico Colegio San Augustin a haci uzo di e oportunidad pa presenta nan revista cu tin como nomber: Kico tin na Colegio San Augustin. Den e revista aki tambe por lesa y mira tur loke ta pasa n’e scol.

Siguientemente e link pa por tin aceso n’e revista y tambe e QR-code cu por scan pa

bay na e revista.

Link. https://simplebooklet.com/kicotinnacolegiosanaugustin1