Por preveni ku baby ta nase ku defekto fisiko

WILLEMSTAD – Na Kòrsou tur aña tin baby resien nasí ta muri durante e promé 28 dianan di bida debí na un òf otro defekto di nasementu.

Despues di komplikashon di un parto prematuro, òf relashoná ku infekshonnan neonatal ku ta vinkulá ku e parto.

P’e babynan ku sobrebibí i ta biba ku e kondishonnan aki, defektonan di nasementu ta oumentá e riesgo di desabilidat, kual tin impakto grandi pa e persona mes pa restu su bida, su famianan, sistema di salú i komunidat kompleto.

Por prevení i trata sierto defekto di nasementu. Bebe suplemento di folic acid (ásido fóliko i yodium) promé i durante di embaraso.

Bakunashon kontra di Sarampi Aleman na tur mucha muhé ku por transmití esaki na su yiu durante parto. 

I kuido prenatal adekuá ta algun medida klave di prevenshon, manera no bebe alkohòl i no huma.

Ministerio di GMN su vishon ta pa kada baby ku nase na Kòrsou, tin un bida mas saludabel posibel i ku e potensial pa biba un bida pleno i produktivo. P’e persona ku un defekto di nasementu, e ambishon ta pa mas tantu posibel mehorá e kalidat di bida di persona aki.