Si e penshonado no ta biba na Kòrsou…

WILLEMSTAD – E asuntu di e medida di 12.5% di entrega of bahada di salario di for di empleadonan di Gobiernu ta topa ku resistensia fuerte di parti di sindikatonan en general i sigur dje sindikatonan policial.

Presidente di un di e sindikatonan Polisial, sr. Lourens ayera mainta a deklará na un emisora lokal ku nan ta pone pia abou pa Gobiernu no apliká e medida ei.

Ya sindikatonan a entregá nan apelashon kaba  argumentando ku e bahada di 12.5% no ta legal, pasobra e proposishon no a kaba e kaminda legal preskribi pa lei.

Tin konseho di Raad van Advies bisando ku e skal 18 nobo di Ministernan no tin base legal i ningun di e dos medidanan ta legal.

Ya ta vislumbra ku e sindikatonan tin rason ku e medida no tin base legal pa por apliké, pasobra te Minister ku ta dunando despedida (Girigorie), pasobra e no ta bin bèk si ta dependé di voto popular.

Definitivamente e medida no ta hole bon pa baha remunerashon ku 12.5% i e federashon di kuido tambe a denunsia esaki.

Tin rumor ku Korsou ke renegoshá ku Hulanda pa por haña sèn sin redusi salarionan ku 12.5% i sindikatonan ta kere ku si un gobiernu nobo sinta nan mester negosha e punto aki, pasobra loke e gobiernu aki firma ta konta pa e siguiente gobiernunan.

Un gobiernu ku ta respeta su mes mester re-negosha e porsentahe ku ta hasi e amtenar mas pober i kende ta ku ta pober kaba siendo ku Raad van Advies a bisa ku e desishon no a pasa Raad van Advies.

E Minister a dal bai sin tin rason pero sindikatonan a haña rason. Hulanda di su banda logikamente ta dal bai si nan no haña resistensia fuerte.