Areglo di emergensia SZW i Inkomstenbelasting

KRALENDIJK – Esun ku den 2020 a risibí un pago via di e areglo di emergensia di SZW, mester paga Inkomstenbelasting p’esaki. Tin dos manera kon a hasi pago di e areglo di emergensia aki.

Pago via dunadó di trabou

Si bo dunadó di trabou no por a tene bo (kompletamente) na trabou en konekshon ku vírùs di corona, e por a akapará bo bou di e areglo di emergensia di SZW. Bo (èks) dunadó di trabou e ora ei a risibí un kompensashon di e gastunan di salario p’e oranan ku e no por a  pone su personal na trabou. A paga e kompensashon na bo dunadó di trabou, ku na su turno a paga esaki na bo den forma di salario.

E kompensashon aki , meskos ku bo entrada normal, bo mester deklará esaki  den e deklarashon di Inkomstenbelasting bou di entrada prosedente di labor.

Pago via SZW

Si riba 13 di maart 2020 bo tabata empleado, pero pa motibu di e vírùs di corona no a tene bo den servisio, bo mes por a hasi un petishon na SZW pa sosten temporal. Pa a yega na remarke p’esaki, e kompania na kua bo tabata empleá mester tabata kai bou di e areglo di emergensia di SZW. Bo tabatin derecho riba 80 porshento di bo último salario. E kompensashon di SZW aki ta fiskalisá bou di Inkomstenbelasting i bo mester deklará esaki bou di entrada prosedente di labor.

Deklarashon Inkomstenbelasting

Por hasi e deklarashon di Inkomstenbelasting online te ku 18 di mei 2021 via e portal digital MijnCN.nl. Pa pregunta tokante hasi deklarashon por meil na balie@belastingdienst-cn.nl òf por yama na 715-8585. Pa pregunta tokante trahamentu di un kuenta òf kódigo sekreto por manda un meil na helpdesk@mijncn.nl òf yama 715-8886.

Pa entregá e deklarashon riba papel, por akudí na e ofisina di Belastingdienst na Boneiru, di djaluna te ku djabièrnè, entre 8 or di mainta i 1 or di mèrdia. Tambe por depositá e deklarashon riba papel den e buzon na banda drechi di e entrada prinsipal di ofisina di Belastingdienst na Boneiru. Na Saba por akudí na ofisina di Belastingdienst, di djaluna pa djabièrnè, di 8 or di mainta pa 2 or di mèrdia. Na Sint Eustatius, di djaluna pa djabièrnè, di 8 or di mainta pa 2 or di mèrdia, pero solamente ku sita. Pa traha sita por yama 318 3325 òf 318 3326. Por tin un máksimo di 2 persona paden na mes momentu i tapaboka ta eksihí. Mas informashon tokante hasi deklarashon online por haña riba www.mijncn.nl.