Aruba ta registra otro morto mas y 35 caso positivo nobo di Covid-19

Di acuerdo cu DVG, resumen di ayera, a registra un total di 35 caso nobo di Covid-19, di cual tur ta residente. E cantidad total di testnan ehecuta ayera n’e diferente localidadnan na Aruba, entre otro laboratorio di hospital, laboratorionan priva y aeropuerto ta 405 test. ‘Postivity rate’ entre nos residentenan ta 20% y 29 persona a recupera. 

Casonan activo pa ayera ta 174, cantidad di fayecido relaciona cu Covid-19 a aumenta na 75.

Hospital ta informa cu tin un total di 27 persona interna di cual 10 ta den Cuido Intensivo y 17 riba unidad general di Covid. Edad promedio di esnan ingresa pa extra cuido ta 63 aña.