Gamma IT Solutions di bishita na Maria College

Diaranson, 3 di maart ultimo, e team di Gamma IT Solutions, un compania local cu ta desaroya software, a pasa bishita e muchanan di klas 1F di Maria College.

Gamma IT Solutions a trece dilanti un presentacion p’e hobenan cu informacion tocante e compania, proyectonan, informacion tocante coding y e mundo di IT en general.

Gamma IT Solutions a pasa bishita e scol danki n’e invitacion di e docente y mentor di e klas, Juffrouw Lisette Molenaar.

E hobenan a ricibi informacion tocante coding y e tur e posibilidadnan cu tecnologia ta ofrece. Gamma IT Solutions semper ta disponibel pa ofrece informacion na mucha y hobenan cu tin e gana di siña mas tocante IT.

Teiry Croes di Gamma IT Solutions ta comenta: “E tabata un experiencia hopi ameno pa por trese informacion tocante e parti di desaroyo di software n’e hobenan. Nos ta gusta wak e interes den e generacion nobo p’e mundo di IT y nos kier encurasha esaki den nan.”

Di su banda Gamma IT Solutions ta gradici Jufffrouw Lisette p’e invitacion y pa habri e porta di su klas pa e team di Gamma IT Solutions.