Haci bon, y pasa bon haciendo trabao boluntario!

E hendenan di Aruba tin un spirito generoso un sentido fuerte di comunidad. E abilidad interno pa duna un man a haya un bon oportunidad pa briya durante e pandemia.
The Hilton Aruba Caribbean Resort & Casino ta un sostenedor grandi di e isla su banco di cuminda, Fundacion pa nos Comunidad. Miembronan di team ta haciendo trabaonan boluntario desde luna di maart 2020, ricibiendo bultonan grandi di comestibel di patronisadornan generoso, suppliers local y internacional, anto empaketando esakinan di nobo den cahanan mas chikito desiña p’esnan den necesidad.

E trabao ta continuo, 7 dia pa siman, anto na altura di e lockdown di Covid-19 e banco di cuminda a brinda un yudansa na 4,200 famia. Nunca nan lo por a yega nan meta sin e participacion activo di e miembronan di e team di Hilton.

Norma Lacle, parti di e team di Hilton, a dedica cada dia desde september 2020 pa yuda den e banco di cuminda y su clientenan. Norma ta pone su apron y hairnet mainta tempran tur dia, anto no ta stop te ora cu e ultimo caha a wordo yena y entrega.

Ambos e resort, representa por medio di su Director di Recurso Humano Glenn Farro, y Norma Lacle, a wordo reconoci como Boluntarionan di Aña, cu honornan brinda den un ceremonia intimo, cu distanciamento social na e Drive-In Theater.

CEDE ARUBA, un centro local pa desaroyo comunitario sosteni por medio di fondonan di Reino Hulandes, a yuda reconoce trabao boluntario riba e isla pa varios aña. Cada un di Aruba su organisacionnan non-profit a wordo pidi pa eligi nan candidatonan pa Boluntario di Aña, anto premionan a wordo entrega n’e autonan di esnan eligi por medio di Daniel Tecklenborg, e cabes di e entidad super eficiente aki trahando den colaboracion cu Dutch Royal Foundation riba proyectonan comunitario.

E slogan y hash tag #HaciBonPasaBon, ta wordo promovi por medio di CEDE Aruba henter aña. Trabao boluntario ta awor mas importante cu nunca, Tecklenborg ta bisa.

E resort y Norma, tabata e forsa grandi tras di e nos operacion tan necesario, segun Gianaika v/d Biezen, directora di e banco di cuminda.
CEDE Aruba tambe ta organisa Aruba Doet, e evento boluntario di mas grandi riba e isla, anualmente, pidiendo individuo y organisacionnan pa yuda den causanan social, trahando cu amigo y coleganan. The Hilton Aruba Caribbean Resort & Casino, ta participa tur aña, anto a contribui den varios proyecto.