Milisianonan ta risibí barèt

WILLEMSTAD – Na Kazèrne di Marina na Suffisant 24 alumno ayera a risibí nan barèt.  P’e

aspirant militarnan e entrega di e barèt t’e punto di klousura di nan Formashon

Elemental, ku a dura seis luna. Di e alumnonan ku a pasa nan Formashon ku éksito, 20 ta di Milisia di Kòrsou, 4 di Milisia di Aruba.

E siman aki e alumnonan tabatin nan asina yamá ‘final exercise’ ehersisio final, durante

kua tur e lèsnan di e formashon a kulminá. E ehersisio final aki ta kontené entre otro

operashonnan amfíbiko (desde laman pa tera), operashonnan den áreanan urbano i

ehersisionan di opservashon.

E ehersisio final a keda klousurá ku un marcha final di 25 kilometer, ku a finalisá riba djabièrnè mainta na Kazèrne di Marina na Suffisant.  

Einan e alumnonan a haña un agasaho kaluroso, despues di kua e seremonia a sigui durante kua

nan a risibí nan barèt.

Ku esaki e Formashon di Kombate aki di e milisianonan a terminá. Aworaki pa tres luna

mas, nan ta bai sigui ku e módulo di Protekshon i Siguridat. Despues di esaki numa e

Milisianonan por keda huramentá tambe.

Hefe di Sentro di Formashon CARIB, Kapitan di Marinirnan, Pieter ta bisa: ‘’E alumnonan durante e último lunanan  a keda  eksponé na tur tipo di prueba, durante kua nan a bira mental i físikamente mas fuerte. Nan a prueba di tin e karakter korekto.’’