Parokia di La Birgen di Fatima na Dakota cu Triduo na honor di San Hose

Ken ta San Hose? San Hose ta Tata di Hesus, Esposo di Maria, Patriarca y Protector di Santa Iglesia Universal, Terror di Demonionan y tambe Patrono di Trahadornan. Y tambe cu Papa Francisco a dedica e aña liturgico 2020 – 2021, di 8 di december 2020 te cu 8 di decmber 2021 na e Santo Stima aki, cu tambe ta wordo considera como Patrono di esnan moribundo.

P’esey Parokia di Birgen di Fatima ta desea di informa cu lo tene un Triduo na honor di San Hose, cuminsando diamars 16 di maart 2021 te cu diahuebs 18 di maart 2021 pa 6 or y 15 di atardi, den kapel di Santisimo Sacramento, na Misa Birgen di Fatima na Dakota.

Diabierna 19 di maart 2021 fiesta di San Jose ta wordo celebra y riba e dia ey nos lo resa Santo Rosario pa 5 or y 45 di atardi,  despues ta sigui cu Caminda di Cruz pa 6 or y mey di anochi, di biaha pa 7 or di anochi ta sigui e Santo Sacrificio di Misa solemn na honor di San Hose, tambe na y den Misa Birgen di Fatima na Dakota .

Ta invita tur devoto y pueblo di Aruba en general y tambe tur esnan cu tin e nomber Hose, Jose, Josefa y Josefina pa asisti sin falta n’e triduo y e fiesta na honor di San Hose, e ehempel famoso di Santidad.