Polis haciendo mas entrada hudicial

Ayera tardi, diferente unidad policial a haci varios entrada hudicial den Koningstraat y becindario. Fiscal di Ministerio Publico a compaña e Polisnan aki den nan accion. Como cu e Unidad di K—9 tambe a uni ta duna indicacion cu nan ta buscando droga. Den e accion aki, nan a bay cu algun persona, debi cu nan ta ilegal na Aruba. Ta for di algun dia caba Polis tin e sitio aki den nan radar y awor a dicidi di haci entrada hudicial. Na final, por a mira cu 6 detencion a ser haci, pa ki motibo no ta conoci. Den curso di fin di siman, nos lo haya informacion oficial, ora cu voceru policial keda cla cu e datonan.