Recherche a detene 4 persona na Playa y 5 hende na San Nicolas

Ayera mainta Team di Recherche di Oranjestad (DAR1) conhuntamente cu diferente team di Cuerpo Policial a haci un entrada hudicial na un cas na Caya Bohi.

Aki e Team di Recherche a bin detene 4 persona incluyendo e persona cu nan tabata buscando di inicialnan A.G.J. V.d.L naci na Aruba di 18 aña di edad. N’e cas a confisca entre otro droga y un arma di candela (pistool).

Recherche di San Nicolas a detene 5 persona y a confisca entre otro droga y uniformnan di Polis.

Ayera mainta Team di Recherche di San Nicolas (DAR3) conhuntamente cu diferente team di Cuerpo Policial a haci un entrada hudicial na diferente cas entre otro Caya Butishi, Mabon y Boroncana.

N’e adresnan e Team di Recherche a detene den total 5 persona pa menasa. N’e dicho casnan a confisca entre otro droga y uniformnan di Polis.

Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion yama nos tiplijn: 11141. Nos ta garantisa cu bo ta keda anonimo.