Otro politico a keda asesina na Corsou

Maske ainda Polis no sa e motibo di asesinato di Almier Godett ayera mainta, tog tin hopi hende no ta kere cu ta pa motibonan politico. Hecho ta cu Almier Godett (38 aña) ta un politico cu lo participa cu su partido Trabao pa Corsou.

E mainta ey, segun version policial tabatin un pleitamento serio cu tabata tumando lugar na Juan Domingo bij Mahuma.

Almier Godett ta sobrino di  Antony Godett di Partido Obrero Liberacion di Corsou. Almier Godett no ta un zuivere koffie tampoco pasobra te recien e tabata sera pa su envolvimento den trafico di droga.

N’e mesun sitio ey, a detené alrededor di 09.00’or e hòmber sospechoso M.M.M. di 36 aña di edad nace na Còrsou, p’e caso di asesinato ariba mencioná. Alrededor di 10.30’or, Polis a detené n’e promé sitio di incidente, esta Juan Domingo bij Mahuma, e hòmber sospechoso S.S.G. di 33 aña di edad nace na Còrsou, pa destruccion.

Tin dos detencion unda autoridad ta spera di por soluciona e caso aki a corto plazo. E ora ey por sa e motibo di e asesinato di un otro politico na Corsou.