Polis a detene chauffeur sin rijbewijs y coriendo auto cu plaachi number bieu

Diabierna algo despues di 6’or y mey, mientras Polis tabata patruyando den area di Eagle, nan a bin topa cu un Chevrolet Spark cu plachi number oranje. Mesora Polis a duna e chauffeur señal p’e para.

Na momento cu nan a puntra e chauffeur p’e papelnan di auto a resulta cu e chauffeur no tabatin niun papel di e auto na ordo y no por a mustra autoridad niun documento cu e auto tabata pertenece na su persona. Riba dje e chauffeur no tabatin rijbewijs tampoco.

Mesora e chauffeur di e Spark a keda deteni y hiba Warda di Polis cu transportwagen, e auto a keda confisca pa mas investigacion.