Turista deteni den area di Hot Zone, pa falta un agente policial respet

Diasabra algo pasa di 11’or di anochi, un patruya di Strandpolitie tabata pasando den e area di Hot Zone un na altura di Sopranos, nan a nota un turista homber canando mey-mey caminda. Mesora Polisnan a dicidi di bay atende cu ne.

Na momento cu un agente femenino a baha for di auto, e homber turista a trata na dal e agente femenino aki cu un cups cu e tabata tin den su man.

Mesora su otro coleganan Polis a manda e homber vloer y bisti’e boei. E homber a keda deteni pa falta autoridad respet. E homber turista tabata mustra cu e tabata basta bou influencia.

Transportwagen di Polis a transport’e pa Warda di Strandpolitie y despues a hibe Warda di Santa Cruz, caminda e lo a pasa su anochi den un cel y no den su kamber di hotel di luho cu el a paga p’e.