Accidente riba Brug Fredis Refunjol diadomigo anochi

Diadomingo anochi pa mas o menos 9:40 Polis a haya informacion di un accidente riba Brug Fredis Refunjol riba Green Corridor na Balashi.

Mesora un patruya a bay e sitio y a constata cu tin un persona levemente herida, na prome instante a papia di varios persona, pero n’e sitio a presenta un ambulance so.

E autonan envolvi tabata un Toyota Yaris  y un Hyundai suv. N’e sitio por a compronde cu e Hyundai suv a dal tras di Toyota pa despues perde control dal contra e beton y bay para mas padilanti.

Polis di Trafico a laga sera ambos banda di e caminda, esta tanto rotonde di Pos Chikito pa direccion pabou y tambe rotonde Drive In direccion San Nicolas.

Personal encarga cu Green Corridor a wordo notifica debi cu lo tabatin algun daño chikito y ruim op cosnan cu a keda benta riba e caminda.