AHATA: Ocupacion di hotel na februari tabata 70% menos cu aña pasa

Aruba Hotel & Tourism Association (AHATA) ta acumula e cifranan di ocupacion y prijs di hotelnan tur luna, y ta raporta cu grado di ocupacion na februari 2021 tabata 27.9%.

FEBRUARI 2021:

Ocupacion: E ocupacion na hotelnan tabata 27.9%, cual ta 68.8% menos cu e grado di ocupacion un aña pasa.

ADR: Mescos cu december y januari, e balor averahe di cada kamber bendi a baha, y na februari el a baha cu 23.7% compara cu aña pasa pa yega $294.63.

RevPAR: E entrada averahe pa tur kamber disponibel tabata $82.20, representando un reduccion di 76.2% compara cu e mesun luna aña pasa.

PROYECCION:

Proyeccion actual pa ocupacion averahe di hotel ta: 35% na maart y 43% na april. Pa di dos kwartaal di 2021 ta proyecta ocupacion di 44%. Expectativa pa henter aña 2021 su ocupacion ta 46%, cual ta representa un recuperacion di 55% compara cu ocupacion di 2019.

TIMESHARE: Ocupacion na propiedadnan Timeshare a keda mescos cu e 2 lunanan anterior. E ocupacion averahe di na februari tabata 58% y proyeccion pa maart ta 60%.