Auto a cay den greppel pabou di rotonde Tanki Flip, e chauffeur a keda herida y transporta pa hospital

Dialuna den oranan di mainta presencia di Polis y ambulance a wordo pidi cu urgencia pa un accidente cu a a sosode pabou di e rotonde di Tanki Flip, den cual un auto a cay den greppel y e chauffeur ta herida.

Na yegada di Polis, ya e personal di ambulance a saca e dama for di auto y a hink’e den ambulance. N’e sitio nos a bin compronde cu e dama lo a bira malo tras di stuur,y  el a a perde control, baha caminda y bay cay den e greppel cu su auto.

Despues di a trata e dama n’e sitio, ambulance a transporte pa hospital pa un checkeo medico mas avansa.