Aruba a surpasa 200 caso activo di Covid19, ora cu ayera a constata 50 caso nobo di Covid

Di acuerdo cu resumen di casonan di Covid ayera, a registra un total di 50 caso nobo di Covid-19, di cual 6 ta no-residente.

E cantidad total di testnan ehecuta dialuna n’e diferente localidadnan na Aruba, entre otro laboratorio di hospital, laboratorionan priva y aeropuerto ta 615 test.

‘Postivity rate’ entre nos residentenan ta 18% y 35 persona a recupera.

Casonan activo pa ayera ta 207, cantidad di fayecido relaciona cu Covid-19 ta 77.

Hospital ta informa cu tin un total di 24 persona interna di cual 9 ta den Cuido Intensivo y 15 riba unidad general di covid. Edad promedio di esnan ingresa pa extra cuido ta 63 aña.