Enespera di vacuna, registracion ta continua

Durante e siman aki cu Aruba ta en espera di e yegada di vacuna y tambe mientras cu ta cuminsa vacuna esnan laborando den cuido un biaha mas, registracion ta sigui. Den e siman di 8 di maart for di dialuna pa diabierna comunidad por sigui registra na tur edificio di MFA entre otro Savaneta, Paradera, Santa Cruz y Noord.

Pa districto di San Nicolas tambe lo ta habri Santa Teresita Center pa por yuda cu registracion di tur persona di pariba di brug. Orario di registracion ta di 7:30 am pa 4:30 pm ‘non stop’.

Ta invita comunidad di Aruba specialmente e districto di San Nicolas pa haci uzo di e dianan aki pa registra. Bin cu bo AZV digital of cu bo carnet y si bo no tin AZV pero ta biba, traha of ta stage na Aruba pa mas cu 4 luna pasa cu bo pasport y registra pa bo por wordo vacuna.

Tambe por sigui registra via Aruba Health App, www.dvg.aw y www.arubacovid19.org . Te n’e momento aki Aruba tin un registracion di 27.670 persona di cual 10.594 persona ya a ricibi nan prome dosis di vacuna. Pa nos pais por cuminsa move den direccion di recuperacion ta necesario pa nos vacuna y stop e transmision di Covid sigui sosode.