Minister di Cultura a felicita Aruba cu un bunita Festival Un Canto na nos Himno y Bandera

Diadomingo a tuma lugar e Festival “Un Canto na nos Himno y Bandera”, Minister Xiomara Maduro encarga cu cultura tabata presente pa sostene nos cantantenan Infantil y Hubenil. Un festival caminda e participantenan hoben a presenta cancionnan dedica na nos Celebracion di Himno y Bandera. Un pabien y reconocimento tambe na tur e compositor-, areglista-y gruponan cu a duna un bunita presentacion.

Pa motibo di e pandemia di Covid19 esaki a tuma lugar virtual sin publico general. Canalnan di television, radio y social media a transmiti esaki y comunidad por a disfruta esaki na cas den tur seguridad y trankilidad.

E ganadornan ta lo siguiente:

Categoria 4-6 aña: Ganado absoluto: Ian Tromp cu e cancion “Number 1” acompaña pa agrupacion musical Comcomber Stoba. 2do lugar: Qu-Lainey Jansen cu e cancion  “Dushi Dushi” acompaña pa agrupacion musical Comcomber Stoba. Un pabien tambe na Alyna, Lysanne y Jaymerson cu nan presentacion.

Categoria 7-9 aña: Ganado absoluto: John-Maynard Wever cu e cancion “Mi isla tropical” acompaña pa agrupacion musical Sabor Crioyo. 2do lugar: Akyrah Margarita cu su cancion “Shon Tai di Jamanota” acompaña pa agrupacion musical  Alma Folklorico. Un pabien tambe na Ishem y Ruwell cu nan presentacion.

Categoria 10-12 aña: Ganado absoluto: Caylee Pietersz cu su cancion “Den tur momento” acompaña pa agrupacion musical Comcomber Stoba. 2do lugar: Jaylon Machado cu su cancion “Namora” acompaña pa agrupacion musical Comcomber Stoba. 3er luga: Mary-Jane Bueno cu su cancion “Imagina” acompaña pa Tipico Colegio Arubano. Un pabien tambe na Maria Christina, Xean-Gelinah, Ivy-Ann y Reanne,  Lizienne, Georvin, Jurian y Michelyenne cu nan presentacion.

Categoria 13-17 aña: Ganado absoluto: Jaydiene Croes cu su cancion “Hasta si bo ta keto” acompaña pa agrupacion musical Oruba. 2do lugar: Jorienne Angela cu e cancion “Awor o Nunca” acompaña pa agrupacion musical Alma Folklorico. Un pabien tambe na Xenon, Zoë y Jorzinho cu nan presentacion. Masha danki y pabien tambe  n’e organisador Comision Promove Cultura, Comision Celebracion Dianan Nacional, Patrosinadornan, Cuerpo di Hurado, medionan di comunicacion y tur cu a contribui pa un bunita festival di nivel halto.