Polis a bay atende homber cu tabata sangra na cabes

Diamars mainta algo pasa di 10:30, informacion a drenta na Warda di Polis cu un persona lo a ricibi un baseball bat den cabes y esaki tabata sangra hopi.

E caso aki lo a sosode dilanti e edificio unda antes tabata Bon Bini Bazaar.

Mesora Polis a bay un barbershop unda cu pafo y n’e glas paden tabatin basta sanger. N’e momento eynan Polisnan no tabata sa mucho bon kico tur a sosode.

Paden di e establecimiento nan a topa cu e cabayero cu tabatin un kap na cabes y esaki a sangra hopi.

A pidi pa un ambulance tambe, mirando cu e persona tabata sangra y e mester ayudo medico. Loke nan por a saca afo ta cu aparentemente lo ta trata di un problema pasional.

Segun version di e homber herida, lo a start un discusion n’e lugar y cu el a slip cay dal su cabes na rand di un vloer.

Paramediconan cu e yega e sitio a trate, pero no a bay cu ne Hospital. 

Nan a pone verband rond di su cabes y por a mire sali cana bay y tabata bastante rabia di loke a pase.