Por cuminsa manda e lista di cliente pa busca e paketenan di Winstbelasting di aña 2020

N’e momentonan aki Departamento di Impuesto ta preparando pa cuminsa otorga e paketenan di Winstbelasting 2020. E aña aki Departamento di Impuesto ta ofrece un bes mas un extra servicio n’e acesornan fiscal y e oficinanan di administracion.

Manera custumber lo bay otorga e paketenan di Winstbelasting 2020 n’e grupo aki prome cu manda e paketenan cu post.

E procedura

Departamento di Impuesto ta mantene e siguiente procedura: Ta manda e lista di cliente via e-mail: pakket@impuesto.aw

Ta uza e MS Excel file “Template klantenlijst WB-aangifte 2020”. E template aki ta disponibel via nos website www.impuesto.aw.

E ultimo dia pa entrega e lista di cliente ta 22 di maart 2021. Departamento di Impuesto lo manda un notificacion via e-mail ora cu e paketenan ta cla pa busca.

Departamento di Impuesto kier reitira cu e cliente ta keda responsabel p’e pakete di formulario di Winstbelasting. Lo no bay otorga un duplicado na un otro persona of acesor, si ya a entrega e pakete caba na un acesor.

Departamento di Impuesto ta conseha pa cuminsa haci e preparacionnan pa yena e formulario di declaracion. E fecha final pa entrega e declaracion ta 31 di mei 2021.