Prijs di gasoline a subi cu 32 cent compara cu e prijs na comienso di aña

For di aña pasa caba por a ripara cu e prijsnan di producto petrolero a keda subi. Entrante awe 10 di maart 2021, Minister di Finanza, Asunto Economico y Cultura ta anuncia e prijsnan nobo di benta di combustibel. For di comienso di aña pa awor, esaki a subi cu 32 cent.

Prijs di producto petrolero entrante awe 10 di maart:

Gasoline unleaded-premium: 208,8 cen p/ltr. (+ 12,5 cen): Diesel LS:: 170,9 cen p/ltr. (+ 12,3 cen): Kerosin: 151,4 cen p/ltr. (+  10.4 cen). E prijsnan ta inclui BBO/BAZV/BAVP

Locual ta prijs di gasoline, esey a subi hopi mas. Ora aña a habri e prijs tabaya Afl. 1.76 (7) pa liter y awo eta Afl. 2,08 (8) pa liter, cual ta nifica un aumento di 32 cen pa liter. Esaki t’e di tres biaha caba p’e aña aki cu e prijs di gasoline a subi. E prome tabata dia 13 di januari y e di dos tabata riba 9 di februari.