Stichting Reclassering; 60 dia di informacion

Dia 8 di mei 1961 e organisacion Reclassering en Jeugdbescherming a wordo funda bou di e nomber “Arubaanse Stichting voor Reclassering en Kinderbescherming Aruba”

Na aña 2011 e nomber a cambia pa Stichting Reclassering en Jeugdbescherming Aruba. Esaki tabata pa refleha mas e doelgroep. Desde aña 2014 nan ta atendiendo hobennan  di 12 aña bay ariba.

Pa celebra nan 60 aña di existencia nan a bin cu un programa super inovativo. Stichting Reclassering lo bay duna pa 60 dia largo. Informacion di locual nan ta confronta nan mes diariamente. Tambe nan lo bay duna tips practico cu por ta un manera hopi facil pa guia tur hoben ora nan ta confronta nan mes den problema.

Esaki lo ta parti den 4 tema. E prome tema lo ta “Nos Hogar”. Esaki lo encera educacion na cas y relacion entre famia y yiu. E di dos tema lo ta “Nos Cartera”. Akinan lo trata con pa budgeteer. E di tres tema lo ta “Nos Bienestar”. Den e tema aki nan lo trata salud mental y uso di substancia (droga of alcohol). E ultimo tema cu nan lo trata ta “Tempo Liber”.

Tur e temanan aki por ta factornan cu por yega na un punto criminologico y dor di duna informacion tocante esaki, nan ta spera di educa y concientisa tur hoben kico pa haci.