Falsedat komersial pa no paga lote di sigaria

WILLEMSTAD. Korte den promé instansia mester a kai den un kaso kaminda a praktiká falsedat den hasimentu di negoshi entorno di un lote di sigaria Marlboro pa un suma di  NAƒ 1.776.246,44 pero Superior Trading no por a kobra un parti konsiderabel dje suma pasobra doño dje negoshi ku a kumpra e lote di sigaria, a pasa parti dje negoshi silensiosamente bou di kapa di otro negoshi.

Ora ku Superior Trading a fada di warda riba pago di komo 300.000 florin ku ainda tabata falta di paga riba e lote, e negoshi ku a kumpra e sigarianan a hiba Superior Trading Korte demandando pago.

Hues a revisá tur dokumento, Hues a papia ku akountent ku a sera buki dje negoshi Sultan General Store i a konstatá ku e relato finansiero anual dje kompania no ta kompleto ki ku na final nan mester paga Superior pe lote di sigaria a rason di mas ku 1.7 mion florin ku nan a entrega den kurso di algun luna.

E empresarionan ku a demanda Superior Trading – ku un tempu tabata di famia Mansur di Aruba i talbes te ainda – famia Mohamad Khalil, kendenan a hiba Superior korte fin di aña pasá.

Khalilnan a lanta e negoshi Sultan General Store N.V. dia 11 di aprel 2005 i nan tin Sultan Trading ku ta importá Marlboro.

Dado momento e situashon a kambia ku ta Sultan tabata entrega sigaria Marlboro na Superior siendo ku den nan tempu di gloria ta Mansurnan tabatin fábrika i di sigaria.

Den kurso di tempu e negoshi di sigaria di Mansurnan a bai desmoronando i kompetensia a remplasá nan riba merkado.

Direktor di Sultan General Supermarket ta Mohamad Khalil ku el a likidá 3 aña pasá i a lanta Wholesale 2 aña pasá.

Einan e asuntu a bira un telaraña wega di mantel di paga ku cheque sin fondo a kuminsa ku un total di 7 cheque pasobra Sultan Supermarket a manda 294.840 florin riba un otro kuenta.

Dado momento Sultan a haña un kredito di 300.000 florin di banko pero no a paga debe siendo ku wes a kondena nan pa paga Superior

 NAƒ 1.776.246,44.

Ora Superior a bai pone beslag, a resulta ku tur propiedat Sultan a pasa pa e otro kompania di nan ku yama Wholesale.

Tur e dos negoshinan ta den mesun edisifio igual ku e supermarket ku nan tin.

Khalil a demanda Superior pa lanta e beslag pero Hues no a bai di akuerdo pasobra Mohamad Khalil a regla konsientemente pa no paga Superior usando un kambio di identidat.

Khalil a splika tambe ku nan no por paga pasobra Superior no ta entrega nan sigaria foi dia dje beslag.

Hues a laga revisa e sifranan dje negoshi ku a bin ta pèrdè plaka for di 2005 e ku dado momento Khalilnan no tin entrada ni pa kumpra kuminsa, pero Hues a puntra nan ta unda a saka plaka pa paga mas ku 2 mion florin na dividendo.

Na final Hues a rechasá e demanda kontra Superior Trading pero manteniendo e obligashon ku nan tin pa paga Superior Trading.