Jean Carlo Espinal na Filomena College MAVO

Pa medio di e mensahe aki, directorado y team di Filomena College MAVO na San Nicolas ta manda palabra di gradicimento na sr. Jean Carlo Espinal.

Recientemente, Jean Carlo, riba invitacion di maestronan Maritza Koolman y Addonsito Croes den cuadro di Filomena Mavo su “Huki di Talento” y e materia KGL, a bin y brinda su talento unico den forma di palabranan di motivacion pa cu nan aña escolar.

E klasnan di Ciclo Avansa 2 a keda positivamente impresiona di e forma y ehempel cu Jean Carlo a sa di trece su mensahe positivo padilanti. Den su presentacion Jean Carlo a sa di motiva e studiantenan bisando nan cu no ta pasobra cu bida por trece obstaculo riba nan caminda, ta nifica cu speransa ta termina. Danki Jean Carlo y sea semper Bon Bini na Filomena College MAVO.