Durante tour riba quadracer, turista a accidenta na rotonde Hato

Diabierna merdia den careda di 1’or Polis y ambulance a bay rotonde di Hato unda un quadracer a accidenta.

Na yegada di Polis y tambe ambulance, nan a topa cu un compania cu ta bezig cu Island Tour. Durante cu nan tabata riba e rotonde a sosode algo robes, unda cu segun nos por a compronde un di quadracernan cu dos persona riba a dal contra e acera.

Esaki a causa cu nan a perde control riba e quadracer y ta accidenta. Un di nan lo a ricibi golpi fuerte na pia y tabata wordo papia cu posiblemente e lo fractura esaki.

Polis di Trafico a presenta n’e sitio hunto cu Paramediconan unda cu nan a tuma datonan y Paramediconan a atende cu e dos damanan turista cu a resulta herida.