Cuminda autentico di Aruba na Elements Restaurant

Elements Restaurant, situa na Bucuti & Tara Beach Resort ta bay cuminsa introduci un concepto nobo riba nan menu cu ta cuminda autentico di Aruba. Tur siman nan lo kier bin cu un cuminda tradicional di Aruba p’asina tur hende por probecha di nan plato dushi. Esaki lo encera p.e sopi di pampuna, concomber stoba, banana hasa, carni stoba, aroz moro y sancocho. Tambe nan tin e opcion di pasta cu ta “vegan friendly”.

Sin por laga afo, dessert. Esaki lo tin diferente variacion tambe p.e. aroz con leche, banana bread, bolo di fruta, pan bollo y quesillo.

Bo lo puntra bo mes, pakico e restaurant aki? E contesta ta simpel: E bista dilanti lama, e bon trato di e empleadonan y mas importante e dushi sabor di e cuminda!