Dama a agredi operadora di Weng Kee Bar & Restaurant

Diasabra anochi, den careda di 10:30 un persona femenino a agredi e señora cu ta encarga di e bar Weng Kee Bar & Restaurant na Santa Cruz. Polis mester a presenta n’e bar despues cu nan a haya un yamada.

Ta conoci cu tabatin un grupo di hoben cu tabata riba un “bustrip” y nan a para un rato n’e bar/restaurant aki pa por bay baño.

Na momento cu nan a yega e doño a cobra 1 florin pa persona. Mas o menos 8 persona a bay baño. Ora di a bay paga a duna e doño 50 florin y e no tabata kier a duna cambio bek. Despues di esaki tur cos a bay for di man.

Ta di conoci cu un di e hobennan den e grupo aki a coy un botter y dal un persona, pasobra nan no tabata kier a duna e cambio bek.

Discucion a cuminsa y prome cu algo mas grandi por a sosode e grupo aki a dicidi di bandona sitio sin haya nan placa bek tambe. Diferente unidad policial a busca rond den becindario, pero no a logra haya e bus aki.