Homber, kende tabata hopi rato den mesun posicion den auto transporta pa Hospital

Diabierna anochi pa mas o menos 11’or, Polis a bay den Caya G.F.Betico Croes, pa un chauffeur, kende lo tin basta rato den su auto, pero den e mesun posicion.

Pues Polisnan mester a bay tira bista kico lo por a pasa e meneer den e Hyundai Getz.

Segun un testigo e meneer lo tabatin mas o menos un ora den e mesun posicion o sea e tabata cara abou, ni cuanto nan a purba e homber no tabata reacciona.

No a keda Polis nada otro pa pidi un ambulance, unda cu Paramediconan lo mester bay atende cu e chauffeur.

Na yegada di ambulance e Paramediconan a baha unda nan a cuminsa check e chauffeur. 

Un di e Paramediconan a usa un stimulante y mesora e homber a reacciona, pero a bay patras dal su cabes den e auto, pero tabata solamente pa algun seconde.

Nan a purba un otro tecnica, pero tambe a yuda, esaki a pone cu a Paramediconan a opta pa transporta e chauffeur pa Hospital. 

No ta conoci si e chauffeur por tabata bou di un of mas substancia.