Minister Xiomara Maduro a haya un Bendicion Apostolico di Papa Fransisco

Diahuebs Minister Xiomara Maduro a haya un sorpresa na momento cu Pastor Andry Jose Soto di Parokia di Brazil a pasa bishita e mandatario pa entrega un documento. Pastor Andry a keda encarga pa Obispado di Willemstad, pa entrega un Bendicion Apostolico di Papa Fransisco na Minister Xiomara Maduro pa su trabou como Minister di Cultura na beneficio di Iglesia Catolico na Aruba.

Esaki tabata un sorpresa grandi y un honor grandisimo cu a yena Minister Xiomara Maduro cu hopi emocion, ya cu un Bendicion Apostolico di Papa Fransisco ta algo masha special.

Minister Maduro ta gradici Pastor Andry y Obispado di Willemstad cu a manda e peticion p’e bendicion special p’e mandatario y su famia.

Manera na hopi ocacion Minister Maduro ta expresa, “ta Dios so sa cuanto trabou nos ta haci na bienestar di Aruba. Mi ta gradici di curason p’e bunita bendicion aki.”