Premio Cultural Playa Pabao 2020 otorga na Colegio Bon Bini

Playa Pabao manera ya ta un traduccion tur aña directiva di Centro di Bario Playa Pabao ta otorga e asina yama premio cultural Playa Pabao. Aña pasa Colegio Bon Bini a wordo honora cu e premio aki, pero pa motibo di Covid-19 e homenahe no a tuma lugar.

E aña aki e entrega si ta tuma lugar y un invitacion ta bay na henter pueblo di Aruba y e bario di Playa Pabao pa wak e programa di Centro di Bario Playa via canal di Diario TV (canal 48) dia 18 di maart pa 5’or di atardi.

Aki ta sigi un tiki di e historia di Colegio Bon Bini

Colegio Bon Bini ta un scol primario situa na Madiki. Colegio Bon Bini a wordo funda na aña 1968 y a habri oficialmente dia 24 di januari 1969. Ta un scol di SKOA, pues un scol Catolico. Colegio Bon Bini a celebra 50 aña di existencia na aña 2019. Durante e 50 aña Colegio Bon Bini a conoce 5 Cabesante:

Soeur Marie-Christine 1969-1973 dfm: juf. Betty Solagnier (1973-1997) dfm: Juf. Martha Falconi (1997-2009): Men. Julian Pers (2009-2012)  dfm y su cabesante actual ta juf. Sherissa Tsu 

E team di Colegio Bon Bini ta consisti di alumno, mayor y maestronan cu ta percura pa haci e ambiente placentero y sigur. Nos ta traha cu animo y positivismo pa hiba nos scol y alumnonan dilanti. Ta percura pa duna enseñanza di calidad n’e alumnonan, tin un bon structura y ta percura pa disciplina na scol.

Nos na Colegio Bon Bini ta trahando duro pa e forma holístico haciendo uso di Conscious Discipline, Zelfstandig Werken y Coöperatief Leren. Ta trata di incorpora e forma holístico den tur klas y durante di tur les. Asina nos ta cuminsa stimula y custumbra nos muchanan pa traha cu e formanan di 21th century skills. Pa medio di e forma di traha aki nos ta trata di motiva e muchanan pa adkiri mihor resultado y stimula nan pa ta un miho ciudadano den futuro.

Logronan durante añanan: Colegio Bon Bini a haya un Computer Lokaal for di Samsung na aña 2015 esaki danki na Minister di Enseñansa e tempo ey  Michelle Hooyboer. Na aña 2017 danki na Minister Benny Sevinger, Colegio Bon Bini a haya un Gazebo. Aña pasa a logra traha un Greenhouse cu ayudo di Manchebo Beach Club. Y na juli a logra haya bentananan nobo. Airco pa tur klas ya a keda instala.  

Den futuro nos ta desea di haya smartboard pa cada klas. Scol a participa e aña pasa den 3 parada na Carnaval di Aruba y tambe ta participa na diferente actividad den comunidad.

Colegio Bon Bini ta conta cu mayornan dinamico y semper cla pa yuda.

Nos ta gradici Centro di Bario Playa Pabou p’e honor cu a toca nos scol pa ricibi Premio Cultural Playa Pabou 2020.