Turismo di krusero ta mal pegá i lo no reanudá por lo pronto

WILLEMSTAD – Den sirkulonan di biahe turistiko tantu ku avion komo ku barku e perspektiva ta mustra masha negativo. Kompanianan di aviashon ta wardando of ta purba bende avionnan kasi nobo pasobra nan no ta mira e posibilidat pa kuminsa ku vuelonan regular di forma normal, pasobra ora kaba di paga un foko di virus na un pais, otro mas peligroso ta lanta kabes.

Informenan for di Hulanda ta indicá ku e rekuperashon di merkado di turismo pa Kòrsou lo bai sufri tardansa te por lo menos september di e aña’ki di akuerdo ku revistanan spesialisa den e ramo i e start-up lo no bai rapidamente.

Ekspertonan ta kalkulá ku lo tuma 5 aña promé ku turismo yega ne nivel ku e tabata promé ku Covid a dal aden, pero mientrastantu mester pone pan riba mesa i ekonomia tin ku sigi drei.

E problema ta ku ni ekonomia di turismo ni ekonomia petrolero ku Gobiernu a stèns ariba ta tur mankaron.

I pa kolmo nos por a tuma nota ku barkunan di turista ku promé ku e pandemia tabata bishita Kòrsou regularmente, awor ta te otro aña nan lo kuminsa nabegá i ta for di aña pasá no a bin barku di turisa despues ku e virus a ataká.

For di Bahamas nan a informá ku Royal Caribbean Group huntu ku Carnival Cruise Line ku talbes nan lo kuminsa nabegá despues di yuni.

Nan no ke kuminsa nabegá mientras ku nan no por garantisá siguridad i salú di nan klientenan.

Mientrastantu Bahamas meskos ku Kòrsou lo a sufri retraso di juni aña i mei sin turismo di crucero.