Ayera tabatin introduccion di uniform nobo di Cuerpo Policial Aruba

For di aña 1986 Cuerpo Policial Aruba ta usa e uniform policial cu nos tur conoce. E carson deftig color blou, e camisa blou of blanco cu manga cortico of manga largo y esey combina cu e petchi plat. Cu tempo a bin diferente sorto di uniform aserca cu diferente unidad policial ta uza awendia

Pa motibo cu tin diferente variacion y combinacion di uniform den Cuerpo Policial a haci cu dia 29 maart 2016, Mando Policial di Cuerpo Policial Aruba a reuni hunto p’asina evalua y tuma un decision pa instala un comision pa analisa y modernisa e uniform y imagen nobo di Cuerpo Policial Aruba.

Despues di diferente prueba y investigacion a resulta cu Cuerpo Policial Aruba ta cla pa introduci su imagen nobo di uniform entrante ayera 15 maart 2021. Comunidad por mira dos (2) diferente estilo di uniform cu patruyanan di diferente districto lo usa cu t’esun tradicional y operacional.

Un (1) e uniform tradicional cu comunidad conooce (carson blau cu camisa blau of blanco cu petchi plat). E di dos (2) t’e uniform nobo di Polis Operacional (carson blau scur, polo blau scur cu geel y un baseball cap).

Comunidad por mira e cambio mesora entrante ayera 15 di maart pa motibo cu e unidadnan manera surveillance Oranjestad, Noord, San Nicolas y Santa Cruz, unidad di trafico planificacion y investigacion, unidad motorisa y unidad canino (K-9 unit). Esakinan t’e prome unidadnan cu lo usa e uniform nobo operacion y tradicional.

Despues e otro departamentonan tambe lo haya e uniform operacional. Cu e introduccion di e uniform nobo aki ta yega n’e decision cu tur otro uniform ta wordo saca for di servicio di Cuerpo Policial Aruba.