Chauffeur herida despues di a bolter cu su auto den Julianastraat

Dialuna merdia pa mas o menos 3:15 informacion a drenta cu un auto a bolter altura di Volkskredietbank Aruba.

Mesora unidadnan policial den Oranjestad a bay unda e accidente a tuma lugar.

Pa nan sorpresa e vehiculo a bay para casi mey-mey di Julianastraat. Prome cu el a bolter tres auto a sufri daño, un Honda Pilot para riba e crusada cla pa subi, y otro dos auto staciona cu tabata un Hyundai Accent y un Ford Explorer. 

Na yegada di Polis e chauffeur a sali caba y no tabata mustra di a sufri heridanan serio. Ambulance ya lo tabata na caminda y na yegada e Paramediconan lo mester a controla e chauffeur y despues a sali direccion Hospital.