Acta ta na notario pa formalisa San Nicolas Ports Authority & Industrtial Development NV

AWEMainta ta haya cu ta na su lugar pa ofrece disculpa na Minister Chris Romero relaciona cu publicacion siman pasa di un articulo den cual ta ser mustra cu e lo wordo nombra den un posicion di Utilities NV.

Sinembargo na mes momento AWEMainta ta informa a base di informacionnan fidedigno, cu ya caba e acta di un nv nobo di Gobierno, ta na oficina di un notario relaciona cu fundacion di San Nicolas Ports Authority &b Industrial Development NV.

E concepto di ley ta den proceso actualmente na Directie Wetgeving caminda tur preparacion ta tumando lugar y caminda ta spera cu dentro di poco e acta aki lo wordo poni den un concepto di un Landsverordening cu mester yega Parlamento dentro di algun siman p’e wordo trata y aproba.

Ora cu e t’asina leu, San Nicolas Ports Authority & Industrial Development NV lo tin maneho di e wafnan di San Nicolas, tambe atende den futuro si logra bin cu e fastferry, lo maneha tur tereno industrial y tereno pa plantacion cu awor ainda ta di e refineria, tambe lo atende cu maneho di e containterhaven, inovacionnan  y e e-commerce hub pa servicio postal y otro aspectonan mas.

Awor segun e mesun fuente aki, ya caba lo tin un candidato p’e posicion di Director di San Nicolas Ports Authority & Industrial Development NV, ya cu tur cos ta mustra cu lo no tin un ‘opensolicitatie’ ya cu aparentemente Minister Chris Romero lo bira director di esaki.

Pues Minister Chris Romero no tin nada di haber cu Utilities NV, pero lo bay ta encarga cu e maneho di e departamento nobo aki di Gobierno y ta mas sigur cu e cuponan di trabou cu lo surgi for di e departamento nobo aki, ya caba lo tin candidatonan cla pa tuma esakinan over.

Pueblo lo bay tuma nota cu Gabinete Wever Croes cu asina hopi biaha tabatin e palabra integridad den su boca, awor ta hibando un tipo di afscheidbeleid, recompensando hendenan di partido, famia y amigonan y tambe sponsornan, dunando  di conoce cu nan mes no ta kere cu nan lo regresa den Gobierno despues di e proximo eleccion.

Fuera di e ecargonan menciona cu lo bay bou di e departamento nobo aki, caminda ta poniendo presion p’e wordo implemente den e proximo ocho simannan, e departamento aki tambe lo bay tin bou di su maneho e casnan den Colony y tambe tur tereno cu lo ta destina pa plantacion di cannabis, terenonan cu lo bay ta destina pa sunpanels y tambe pa instalacion di molinanan di biento.

E ultimo aki ta hopi interesante ya c’un biaha mas partido MEP cu a cuestiona hopi e intencion di Gabinete Mike Eman pa instalacion na Noord di molinanan di biento, atrobe ta mira cu esaki mester tuma lugar na San Nicolas so y ningun otro caminda. Si esaki resulta berdad, esta cu Minister Chris Romero enventualmente lo bira director di e departamento aki, ta lanta