Caso di tiramento cu morto

WILLEMSTAD – Diabièrnè 19 di maart 2021 alrededor di 21.53’or, un unidad policial durante nan patruya den área di Batavierwijk a tende zonido di tiro for di un arma di candela.

Di ripiente Polis a mira un hòmber core sali for di Bergweg, cruza dilanti di e vehículo policial y drenta un hanchi den besindario.

Mesora Polis a drenta Bergweg y topa cu un vehículo porta habrí y un hòmber bentá abou cu diferente herida di bala n’e parti ariba di su curpa.

Personal di ambulance cu a presentá n’e sitio no por a haci nada mas p’e víctima. Dokter di Polis a constatá morto di e hòmber Nichael M.A. Richards nacé na Còrsou 8 di decèmber 1999 (21 aña). Riba orden di Ministerio Publico a confisca e curpa pa mas investigacion.