E di 7 buelo humanitario pa Venezuela a continua

Varios departamento di Gobierno di Aruba y di Venezuela a traha incansabel durante simannan largo pa por a regla un di 7 buelo humanitario pa mas of menos 140 Venezolano. Den nan e grupo mas grandi t’esnan cu boluntariamente a solicita pa nan regresa cas bek.

E buelo lo mester a sali diasabra mainta, sinembargo un contratiempo imprevisto na Venezuela a pone cu ultimo momento e buelo no por a continua. Autoridadnan local y di Venezuela a haci na maximo esfuerso p’e buelo humanitario a tuma lugar diadomingo anochi. Trahadornan di Guarda nos Costa for di 5:00 am ta riba pia diasabra y a sigui traha te diadomngo anochi laat. Esaki ta e di 7 buelo humanitario pa Venezuela pa reuni famianan bek cu otro.