Gobernador Alfonso Boekhoudt den cuarentena preventivo na cas

Gabinete di Gobernador di Aruba ta informa cu Gobernador, Alfonso Boekhoudt y su famia a bay den cuarentena preventivo na cas for di diasabra 20 di maart ultimo. Esaki ta debi cu un miembro di famia a test positivo pa Covid-19.

E miembro di famia a haci un PCR-test pa motibo di biahe pendiente. Conforme reglanan di DVG, e famia completo awor a bay den cuarentena p’e periodo stipula.

E cita y audiencianan planea di Gobernador Boekhoudt mayoria lo wordo atendi pa Gobernador Interino, sra. Yvonne Lacle-Dirksz.