Pa prome bez den historia Movemento Futuro Korsow (MFK) cu su lider nobo Pik Pisas ta gana un eleccion na Curaçao. Un victoria aplastante riba nan contrincante principal PAR cu a keda cu 4 asiento, mientras cu Movemento Futuro Corsow (MFK) a logra sera e anochi di eleccion cu 23.559 voto cu ta un total 9 asiento.
E lider nobo, Pik Pizas a mustra di por a mantene e partido stabil y hasta ta logra locual cu hopi no a kere posibel. Ta obvio cu e efecto di Gerrit Schotte, kende a anuncia un dia prome cu eleccion cu e lo vota sigur pa MFK, dunando asina su stemadvies tabatin su efecto riba e votacion. MFK a presenta un lista balansa y a gana den mayoria di urnanan electoral.
Partidonan nobo manera KEM & TPK tambe a resalta cu 4537 y 4411 voto respectivo cu ta representa 1 asiento. PNP cu su lider femenino Larmonie tambe a resulta un ganador grandi cu a crece bay te 4 asiento cu 10.563 voto.
E resultado pa PAR sigur no ta uno cu nan a spera, pero sigur e partido no a haya un tarea facil e ultimo añanan. E actual Prome Minister Eugene Ruggenath a acepta e victoria di MFK y a gradici pueblo di Curacao pa cu nan a mantene nan asientonan den Parlamento di Curacao.
Analistanan ta indica cu MFK su victoria ta a base di varios factor. E hecho cu Gerrit Schotte a sali for di prison algun luna pasa net prome cu eleccion, a demostra den e resultado aki. E hecho cu nan a presenta un bon lista politico tambe a hunga un factor importante.
Un otro punto ta cu PAR a haye den un situacion hopi dificil cu Hulanda (COHO) y tambe cu e pandemia. Pueblo a rechasa e maneho di e Gobierno y nan a duna e señal cla. Awor e proceso democratico pa formacion tey cuminsa.
