Un persona deteni, despues cu Polis a controla Sentra pa droga

Diasabra anochi algo prome cu 11’or, Polis lo a tuma nota di un Nissan Sentra color cora cu 4 hoben den dje. Mirando cu e auto lo a haci algo sospechoso, a dicidi di stop e, locual e chauffeur a haci tambe.

Esaki tabata poco mas pariba di e rotonde di Alhambra. Polis mesora a pidi pa refuerso, debi cu tabata trata di 4 persona. Den algun minuut mas patruya a presenta.

E momento ey, nan lo tabata pa motibo den e auto lo tabatin droga. Despues cu e otro patruyanan a yega mesora a baha tur hende y a cuminsa listra e vehiculo completo. Un di e ocupantenan a wordo aresta y a pidi transportwagen pa hibe warda.

Mientrastanto Polisnan a listra e otro tresnan, pero no a haya nada.

Por a mira cu un agente tabata tira bista banda pazuid si nan lo por a tira algo pafo di e auto, pero tampoco a logra haya algo. 

Na final, despues di a tuma nan datonan e otro tresnan por a continua nan caminda y uno si a keda deteni unda cu despues el a wordo hiba warda cu e transportwagen.