Awor Prome Minister, Evelyn Wever Croes ta den cuarentena

Algun minuut cu inicio di conferencia di prensa di Gobierno, Departamento di Prensa di Gobierno a informa cu Prome Minsiter Evelyn Wever-Croes a wordo notifica pa DVG cu e mester bay den cuarentena preventivo te fin di siman benidero, debi cu un persona cu el a reuni cu ne siman pasa a test positivo.

E mandatario mes a ricibi dos dosis di vacuna caba. For di informacion ricibi di DVG, ora un persona a ricibi un of dos vacuna, ta keda recomendabel pa mantene cuarentena pa motibo cu ainda Aruba no a alcansa e 85 porciento di su poblacion cu a wordo vacuna. Y e variantenan tambe por causa cu tin cierto brotenan.

Premier Wever-Croes a duna di conoce dialuna mainta tempran cu e ta sinti su mes bon y no a experiencia ningun sintoma di Covid. P’e motibo ey esnan cu a reuni cu e mandatario den ultimo siman no mester preocupa. Pero pa precuacion e lo lo sigui e instruccion di cuarentena, manera stipula dor di DVG.

E mandatario principal di nos pais a cuminsa siman cu un agenda di trabou bastante pisa y p’e siguiente dianan mayoria di e citanan planea lo continua di forma digital.

Ta bon pa menciona cu Evelyn Wever Croes a clarifica e medida di 0 bishita na cas. Sigur un persona por haci bishita, pero no pa fiesta of pa atende un BBQ di famia. E cambio aki a bin despues di hopi critica na direccion di Prome Minister Evelyn Wever Croes.