Futbol Damas desaroyando

Siman pasa dialuna e festival di futbol di damas a cuminsa. Despues di casi 1 aña sin e damanan aki ta activo, AVB a cuminsa cu un festival p’asina duna mas interes y exposure den futbol di damas. Esaki a cuminsa cu hopi motivacion.

E festival aki lo ta di un periodo di 5 siman, despues e 4 ekipo cu mas punto ta continua p’e siguiente fase y asina termina cu campeon y subcampeon.

E prome wega tabata Riverplate contra Estudiantes. Esaki a termina 1-0 pa Riverplate. N’e mes momento Britannia a hunga contra Dakota y wega a keda empata.

Riba e siguiente dia tambe tabatin dos partido hungando na mesun momento. Estrella a confronta nan mes contra Arsenal y esaki a caba na 1-0 pa Estrella. RCA a confronta nan mes contra La Fama y esaki a termina 3-1 pa RCA.

E proximo wega lo continua e siman aki. Dakota lo confronta Riverplate y Estudiantes lo confronta Estrella.

E weganan no ta manera nos ta custumbra di wak. E weganan ta wordo hunga 8-8, mitar veld y cu goal chikito. Esaki ta p’e damanan por ta mas activo y nan por ta mas den contacto cu otro. E wega nan aki ta wordo transmiti tambe live riba e pagina di facebook di “Futbol Aruba” of “AVB Aruba” y nan ta wordo nara dor di damas nan tambe. Un bunita iniciativa di AVB p’asina futbol di damas por sigui crece na Aruba.