Bailarina Arubiano a recibi dos medaya zilver den Competencia International di Ballet

Liselotte van Doorn ta un studiante di Kozlov Dance Academy, el a participa den su prome competencia internacional di ballet (VKIBC) dia 8 -15 di maart y tabata e unico participante cu a ricibi dos medaya di platar.

Representando Aruba el a gana un medaya den ballet clasico Youth Division (entre 11-12 aña) y su di dos medaya den competencia di baile contemporaneo Divison I (entre 11-14 aña).

Pa motibo di Covid y e restriccion den e teatro nan den New York City, e competencia a wordo haci online virtualmente den bibo y directo.

Liselotte a baila riba e stage na Cas di Cultura, mientras e Hueznan di companianan di ballet y scol prestigioso tabata mira competi mas di 125 participante di Merca, Canada, Mexico, Brazil, Paraguay, Australia, Irlandia, Zuid Korea, Japon, Russia, Latvia y Ukrania.

E solo cu el a prepara hunto cu su coach Leonid Kozlov, directeur y meneer di Ballet na Kozlov Dance Academy tabata Paquita Variation, Lilac Fairy Variation di Sleeping Beauty, y di ultimo e solo contemporaneo, In The Light of the Moon by Frederic Chopin.

E choreografia a wordi haci dor di Mr. Kozlov, Liselotte a ricibi score halto di e Hueznan y nan tabata impresiona di con jong e ta y di su madurez riba stage. Comentaristanan di e competencia a declare ”un mucha muher jong hopi prometedor” y ”impresionante” Liselotte su pasion pa ballet a cuminsa prome cu el a nace.

E dia prome cu su nacemento Liselotte su mama a bay wak un di e produccion di Mr. Kozlov The Nutcracker na Cas di Cultura. Su mama Susan ta bisa cu e por a sinti Liselotte den su bariga ta baila. Par di ora despues Liselotte a nace.

Na edad di 6 aña Liselotte a cuminsa les na Kozlov Dance Academy unda cu inmediantamente el a hala atencion di Mr Kozlov. Mr Kozlov a ripara cu e tin hopi talento.

Na un edad jong Liselotte a sumergi su mes na ballet, cu varios training den siman pa varios ora. El a baila varios rol importante den Kozlov su shownan annual incluyendo Clara in The Nutcracker, Cupid in Don Quixote y Waltz Girl in Les Sylphides.

Recientemente, Liselotte a wordo otorga un scholarship p’e continua y avanza cu su training di ballet via the EYoung Talent Fund via Stichting Prins Bernard Cultuurfonds Caribisch Gebied. Liselotte a wordo acepta pa atende na summer ballet intensive na Brussels, Belgium at Brussels International Ballet den july.

Mirando cu el a gana su dos medayanan di plata, el a wordo invita pa participa in the International Ballet Baltic Competition den zomersvakantie di 2021. Nos kier a felicita Liselotte y su meneer di baile mr. Kozlov cu nan logro y nos ta riba spera di wak e briya riba tur e stages rond di mundo.