E uzo di gadgets vs tempo di calidad

E uzo di telefon a bira un custumber. Bo ta haci uzo di bo telefon pa trabou, pa contacto social of kisas pa hunga wega.  Realidad ta cu e ta hopi facil pa haci uzo di bo propio telefon.

Esaki tin su consecuenciananpa loke ta trata e quality time entre abo y bo yiu(nan). Si bo kier tin mas atencion pa bo yiu(nan), bo kier balansa bo tempo di calidad cu bo yiu(nan) y balansa e uzo di bo propio telefon, uza e sigiuente tips nan aki:

1. Traha un lista
Ta importante pa sa pa ki motibo bo ta keda uza bo telefon. Den e lista aki bo ta sefta y averigua pa wak ki actividad diario ta hopi importante por ehempel pa trabou y pa ki otro actividad ta djis pa entretene bo mes.

Pa cada mayor esaki por ta otro. E importancia di esaki ta p’asina bo tin un bista riba kico ta prioridad durante dia.

2. Involucra bo yiu(nan) den e palabracion di uzo di telefon
Hasta muchanan chikito por duna nan opinion tocante e uzo di telefon den cas. Esaki lo duna nan e oportunidad pa compronde dicon bo tin cu uza bo telefon y pakico e ta importante pa tin regla.

3. Lista di regla
Traha un lista cortico cu regla cu bo lo por colga por ehempel riba e frigidair. Pa cada famia esaki lo ta diferente.
Algun ehempel ta: Despues di un ora cu bo yega cas sende bo telefon; No uza bo telefon te ora cu bo pone e muchanan drumi; No uza bo telefon durante -orario-


4. 10 min di tempo di calidad
Duna bo yiunan por lo menos dos bes pa dia 10 minuut di atencion directo sin ningun distracion. Esaki ta stimula e desaroyo emocional y atencion positivo.

5. FOMO
E terminologia FOMO ta nifica ‘FEAR OF MISSING OUT’. Hopi biaha pa motibo di e FOMO hende ta keda constantemente riba nan telefon pa mantene e contacto social hasta si e no ta necesario na dado momento.

Puntra bo mes si e uzo di bo telefon n’e meomento ey ta echt necesario p’asina bo bira mas conciente di momentonan cu bo ta uza bo telefon y tempo di calidad.

6. Pensa riba bo custumbernan
E uzo di nos telefon a bira un custumber. Pone atencion n’e custumbernan aki p’asina ora bo bolbe pensa di hacie bo tin algo otro pa remplasa e habito aki. Bo por involucre bo yiu(nan) den esaki pa nan bisa recordabo cada bes cu bo bay pa uza bo telefon nan bisa bo ‘ no of stop ‘ por ehempel. Asina bo lo bira mas conciente y alerto di a habito/custumber aki.

7. Lugar pa pone bo telefon

Por scoge un caha of un lugar pa warda bo telefon. Riba e orario palabra durante dia tur hende mester por ehempel warda nan telefon durante orario cu ta sinta na mesa pa come. E telefon lo ta completamente for di bista y alcanse di tur hende. Esaki lo brinda trankilidad, atencion y lo establice e tempo di calidad den cas si esaki wordo haci tur dia.

Fuente: https://www.jmouders.nl/telefoon-aan-de-kant-als-je-bij-je-kinderen-bent/