Detenshon pa asesinato

WILLEMSTAD – Kontinuando ku un investigashon relashoná ku kaso di asesinato di Almir Godett ku a tuma lugá 19 di maart 2021 Polis a hasi un detenshon.

Djárason 24 di maart 2021 alrededor di 13.50’or, e tim investigativo di kasonan di homisidio konhuntamente ku ‘response team’ a detené e hòmber I.W. nasé na Kòrsou di 45 aña di edat, relashoná ku e kaso ariba mencioná. Detenshon a tuma lugá na Arraratwijk.

Tambe a haci dos entrada hudisial na Arraratwijk kaminda a haña i konfiská algun mata di mariwana.

A presentá e sospechoso dilanti un Fiskal ouksiliar ku a ordená su enkarselamentu pendiente di mas investigashon.