Fayo riba kabel di voltahe halto causa di interupcion di coriente

N.V. ELMAR ta informa cu diamars ultimo, 23 di maart 2021,  alrededor di 8:50 di anochi tabatin un interupcion den e suministro di electricidad p’e areanan di Dakota (un parti), Oranjestad (un parti), Cumana (un parti), Meiveld, Pavia (un parti), Piedra Plat (un parti), Seroe Lopez, Casibari, Paradera (un parti), Hooiberg (un parti), Babijn, Bloemond, Roncado, Seroe Crystal, Marawiel, Koeriboeri, Rooi Prikichi, Matividiri (un parti).

E motibo di e interupcion tabata un fayo riba un kabel di voltahe halto den area di Dakota.

Band’i 11:10 di anochi tur e areanan afecta a haya coriente bek.

N.V. ELMAR ta enfatisa na su clientenan cu prioridad y un suministro di coriente sin interupcion ta un meta esencial den e maneho diario di N.V. ELMAR. 

Por medio di e comunicado aki N.V. ELMAR ta pidi su disculpa na su consumidornan p’e inconvenencia cu e interupcion ariba menciona a ocasiona.